Myrto Uzuni është sulmuesi më në formë i kombëtares shqiptare. Beratasi këtë sezon ka shënuar 20 gola në La Liga 2 në Spanjë me Granadan, duke qenë golashënuesi më i mirë i ligës. Me një mesatare 0.63 gola për ndeshje, Uzuni është emri që po qarkullon tanimë në mediet evropiane për shkak të formës së tij të shkëlqyer.
Në bazë të golave dhe mesatares për ndeshje, 27-vjeçari shqiptar lë pas emra si Lewandowski apo Fullkrug, duke qenë në mes të gjashtë sulmuesve më produktiv në Europë.
Vendin e parë e mban Haaland me mesatare 1.04 gola për ndeshje, ndërsa pas tij Osimhen dhe Mbappe. Në vendin e katërt Uzuni, që me Granadan këtë sezon duket se ka bërë shumë fansa me paraqitjen e tij.
Sulmuesit me performancën më të mirë:
Haaland (Manchester City) 1.04 gola për ndeshje
Osimhen (Napoli) 0.73 gola për ndeshje
Mbappe (PSG) 0.7 gola për ndeshje
Uzuni (Granada) 0.63 gola për ndeshje
Lewandowski (Barcelona) 0.6 gola për ndeshje
Fullkrug (Uerder Bremen) 0.6 gola për ndeshje
