Myrto Uzuni tanimë vlen 8 milionë euro në tregun e transferimeve. Faqja e specializuar "transfermarkt" ka bërë përditësimet e fundit sa i takon vlerës së futbollistëve, me beratasin e Granadës që vlen dyfishin e shumës që spanjollët paguan më shumë se një vit më parë për të.
Me 20 gola këtë sezon në La Liga 2, 27-vjeçari i Kombëtares sheh një rritje fanastike në lojë dhe rezultate, për rrjedhojë edhe në vlerën e kartonit. Me vlerë të njëjtë është edhe De Frutos i Levante, teksa Uzuni ka qenë më rezultatitv duke u renditur në vendin e parë të futbollistëve më të vlefshëm në ligën e dytë spanjolle.
Uzuni e nisi karrierën te moshat e Tomorit në Berat, teksa në Shqipëri ka luajtur për klube si Apolonia dhe Laçi, për të kaluar më pas te Lokomotiva e Zagrebit dhe Ferencvaros. Granada në 31 janarin e 2022 investoi 4 milionë euro për të, teksa Uzuni tanimë vlen dyfishin e kësaj vlere. Me 20 gola këtë sezon, Uzuni është golashënuesi më i mirë në La Liga 2.
Për të tanimë ka interes nga Serie A, La Liga dhe Premier League. 12 milionë euro kërkon Granada për të lënë të lirë diamantin shqiptar.
Lojtarët më të shtrenjtë në La Liga 2
