Deputeti i Partisë Demokratike Myslim Murrizi është zgjedhur gjatë seancës së sotme plenare nënkryetar i Kuvendit të Shqipërisë. Ky votim është miratuar me 94 vota dhe 1 votë abstenim të vetë, Myslim Murrizit.
Ruçi e sqaroi këtë fakt pasi komunikoi emërimin e tij duke thënë se vota e vetë Murrizit është abstenim për të shmangur konfliktin e interesit.
Murrizi është deputeti demokrat i cili refuzoi të digjte mandatin pas vendimit të opozitës së bashkuar për të dalë nga Kuvendi.
Ndërkohë që po në seancën e sotme u votuan edhe kryetarët e komisioneve parlamentare që do të drejtohen nga opozita e re.
– Rudina Hajdari, kryetare e Komisionit të Integrimit Europian
– Fationa Dhimitri, kryetare e Komisionit të medias
– Enver Roshi, kryetar i Komisionit të Shëndetësisë
– Alban Zeneli nënkryetar në Komisionin e Sigurisë
– Halil Jakini nënkryetar i Komisionit të Veprimtarisë Prodhuese
– Korab Lita, nënkryetar i Komisionit të Ligjeve
-Ralf Gjoni nënkryetar i Komisionit të Jashtëm
Komente
