Kjo ka qenë një nga periudhat më të vështira për Dukeshën e Sussexit. Pas debatit të vështirë me të atin dhe të motrën e saj tashmë i është ‘vënë’ edhe i vëllai.
Ai është shprehur se Meghanit i duket vetja shumë më lart s familja e tyre dhe se ishte Princ Harry ai që i përçau.
“Kjo nuk është Meghan-i që unë mbaj mend. Megi dikur ishte e kujdesshme për të gjithë, për të kishte shumë rëndësi të ishte e interesuar për të tjerët. Por që prej kohës që hyri në Hollyëood, gjithçka në jetën e saj ndryshoi. Atëherë ndoshta mendonte se ishte mbi të tjerët e tashmë që është martuar e mendon akoma edhe më shumë. Nëse sot nuk do ishte me Princin Harry pavarësisht gjithçkaje do e linte pas mërinë dhe do shkonte të shihte babain tonë nga afër e të sigurohej se është mirë,”- ka thënë vëllai i Dukeshës.
Më tej ai është shprehur se ndihet shumë i ofenduar që ndryshe nga Kate, familja mbretërore nuk i ka pranuar të afërmit e Meghan.
“Ata kanë futur në shtëpi të huaj edhe më parë, si për shembull Middleton-ët. Nuk e kuptoj përse familjen tonë e shohin ndryshe. As një ftesë për dasmën nuk më erdhi të paktën,”- ka përfunduar ai.
Komente
