Kanë dy vite që thonë nuk ka SPAK që thërret Erjon Veliajn, kur e thërret SPAK-u, thonë është me regji.
I kërkonin llogari prokurorisë pse nuk fillonte hetimin pasuror ndaj Saimir Tahirit, kur fillon me Veliajn, thonë që prokuroria është për t’u futur në burg.
Kur i quajti Veliaj kolegë, akuzuan prokurorinë se ishte në funksion të Veliajt, tani që po e marrin të pandehur, akuzojnë prokurorinë që nuk ngre akuzën që ata i kanë 'shkruar'.
Prokuroria e Posaçme njofton se, së paku, kryetarit të Bashkisë së Tiranës mund t’i ngrihen akuzë për 4 çështje, këta thonë pse nuk e akuzojnë edhe për 5D-në.
Nuk duam 4 akuza, bërtasin. Duam një, duam atë që duam ne, jo atë që thonë ata.
E dinë sikur prokuroria funksionon në bazë të psikopative dhe jo në bazë të letrave dhe fakteve.
Njerëz që s’kanë punuar kurrën e kurrës në administratë, nuk kanë kapur kurrë shkresë me dorë, dhe nuk e kanë idenë se sa e vështirë është të akuzosh titullarin e një autoriteti, sepse e dinë sikur në burg shkon mbi hamendësime dhe nga akuzat që ngrihen nga televizori.
Është një gjendje deliri e pakuptueshme, sepse, nga njëra anë, e shajnë SPAK-un, pastaj thonë shih ç’i bëri SPAK-u, pastaj e mbyllin që do ta çojmë Veliajn në SPAK.
Një çmenduri e përgjithshme që ushqehet me lekët e korrupsionit, ku i vetmi ‘i qartë’ është ai që e ka shpallur SPAK-un ‘organizatë kriminale’, të tjerët ose lehin kot, ose janë në funksion të tij.
Komente
ME NE FUND MORI GUXIMIN TE SHKRUAJE DHE SPIUNI
PërgjigjuSali wc ēja duhet urgjentisht tē hiqet nga qarkullimi se infekton popullsin.
PërgjigjuPo the shpellarë i ke thënë të gjitha....partia NON GRATA ....
Përgjigju