Napoli duket i kënaqur me performancën e mbrojtësit Amir Rrahmani dhe është gati t’i ofrojë atij një kontratë të re me rritje page. Klubi kampion i Italisë synon të sigurojë shërbimet e Rrahmanit të paktën deri në vitin 2029, duke e konsideruar pjesë kyçe të mbrojtjes.
Sipas raportimeve të gazetës italiane 'Tuttosport', marrëveshja është arritur menjëherë pas përfundimit të afatit kalimtar të verës, teksa Napoli tashmë është fokusuar në rinovimin e kontratave me lojtarët që kanë qenë kyç në sukseset e viteve të fundit.
Rrahmani, i cili është një nga shtyllat e mbrojtjes së skuadrës napolitane, do të përfitojë gjithashtu një rritje page, duke shkuar në 3 milionë euro në sezon.
Qendërmbrojtësi i Kosovës ka qenë pjesë e rëndësishme e ekipit që fitoi dy herë titullin kampion në Serie A, duke regjistruar 177 paraqitje, 12 gola dhe 5 asiste me fanellën e Napolit.
Komente
