Në SHBA, elita e basketbollit botëror, NBA zhvilloi tetë ndeshjet e radhës nga të cilat u mësuan disa rezultate vendimtare. Pas Cleveland, edhe Boston Celtics dhe Oklahoma City Thunder kanë siguruar zonën play-off për të synuar më pas titullin kampion.
Skuadra e Cleveland siguroi fitoren e 12-të radhazi, duke mundur 112-107 Miamin. 40 pikët e realizuara nga lojtarët e stolit ishin vendimtare për Cavaliers, që kryesojnë renditjen në Konferencën e Perëndimit.
Boston Celtics fitoi 128-118 ndaj Portland dhe bëhet skuadra e dytë në Lindje që kualifikohet në fazën play-off. Derrick White me 41 pikë ishte lider për Celtics. Fiton edhe skuadra e Denver, që mposhti 116-110 Sacramento, sfidë ku të gjithë titullarët e Nuggets realizuan mbi 10 pikë.
Në Konferencën e Perëndimit vijon të dominojë ekipi i Oklahoma, që mundi 120-103 Memphis jashtë fushe, duke u kualifikuar në play-off. Sërish protagonist Alexander Shai, që realizoi 41 pikë.
Fitore të rëndësishme për renditje korri skuadra e Clippers, që falë 50 pikëve të James Harden mundi 123-115 Detroit.
Rezultatet në NBA:
Boston – Portland, 128-118
Charlotte – Minnesota, 110-125
Cleveland – Miami, 112-107
Washington – Utah Jazz, 125-122
Milwaukee – Dallas, 137-107
Denver – Sacramento, 116-110
Memphis – Oklahoma, 103-120
Clippers – Detroit, 123-115
Komente
