NBA vijoi serinë e ndeshjeve në sezonin e ri të elitës së basketbollit në SHBA. Kampionët në fuqi të Boston Cetics siguruan suksesin e dytë në po kaq ndeshje, këtë herë kundër Uashington Uizards me rezultatin 102-122.
Ndeshje e dominuar nga miqtë, ku u dalluan Brown me 27 pikë e Tatum me 25 pikë e 11 rebound. Vendimtar edhe stoli për miqtë, nga ku erdhën 44 pikë.
Fitoren e parë arriti Dallas, që mundi 120-109 San Antonio në derbin teksan. Luka Doncic me 28 pikë e 10 rebound ishte më i miri në fushë, mbështetur edhe nga Klay Thompson, që realizoi 22 pikë në debutimin e tij me Mavericks.
Fitore në sekondat e fundit jashtë fushe arriti ekipi i Minnesotan, që mundi 117-115 Sacramenton. Ndeshje e vendosur nga 65 pikët e dyshes Randle-Edwards. Zhgënjen Denver, që në fushën e tij u mund thellë 102-87 nga Oklahoma (Shai 28 pikë).
Rezultatet e mbrëmjes së djeshme:
WASHINGTON WIZARDS-BOSTON CELTICS 102-122
DALLAS MAVERICKS-SAN ANTONIO SPURS 120-109
DENVER NUGGETS-OKLAHOMA CITY THUNDER 87-102
SACRAMENTO KINGS-MINNESOTA TIMBERWOLVES 115-117
