Golden State - Bucks

Sport

NBA/ Bucks marrin leksione nga Golden State, kryesuesit e Cleveland e pësojnë sërish! Boston fiton në shtëpi

19 Mars, 15:23| Përditesimi: 19 Mars, 15:29

  • Share

SHBA - Elita e basketbollit amerikan, NBA zhvilloi katër ndeshjet e radhës në parket. Te suksesi doli Boston Celtics, ndërsa Golden State Warriors i dhanë leksion Milwaukee Bucks. Surprizë në Los Angeles, ku Clippers mposhtën kryesuesit e Cavaliers.

Humbja e dytë radhazi për kryesuesit e Cleveland, që u mposhtën 132-119 nga Clippers. Ndeshje e komanduar nga kalifornianët, ku u dallua Kauhi Leonard me 33 pikë, mbështetur edhe nga Ivica Zubac me 28 pikë e 20 rebound.

Boston mundi pa problem 104-96 Brooklyn, ndeshje ku diferencën e bëri Porzingis, autor i 25 pikëve dhe 13 rebound. Ndërsa ekipi i Atlantas mundi 134-102 Charlotte, sfidë ku diferencën e bëri Trae Young, autor i 31 pikëve

Fitore të rëndësishme siguroi Golden State, që falë 24 pikëve të Jimmy Butler mundi 104-93 Milwaukee. Pavarësisht humbjes, skuadra e Bucks siguroi zyrtarisht kualifikimin në fazën play-off në Konferencën e Lindjes.

Rezultatet në NBA:

Charlotte - Atlanta, 102-134

Boston - Brooklyn, 104-96

Golden State - Milwaukee, 104-93

Clippers - Cleveland, 132-119

S.Dh/ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?