Nata e NBA në SHBA ka dhuruar spektakël, me elitën e basketbollit botëror që ka parë një betejë deri në sekondat e fundit në New York. Vendasit e Knick triumfuan 113-111 me Detroit Pistons, me Simone Fontechio që ushqeu ëndrrën e miqve për sukses, por në fund dështoi.
Nga ana tjëtër Miami Heat fitoi në udhëtim 110-121 me Sacramento Kings, edhe pse me Jimmy Butlerin të pezulluar. Memphis Grizzlies humbën 86-111 kundër Brooklyn Nets në shtëpi.
Edhe Toronto siguroi një sukses të madh në udhëtim, duke mposhtur 122-130 Indiana Pacers.
NEW YORK KNICKS-DETROIT PISTONS 113-111
Simone Fontechio dhe Detroit Pistons ushqyen ëndrrën për të fituar në 'Madison Square Garden' për gati 48 minuta, por në fund New York mbizotëroi 113-111. Loja vendimtare vjen dy sekonda para sirenës finale, me rezultatin që ishte 111-110 për miqtë. Josh Hart shënoi koshin e parakalimit, humbi gjuajtjen e lirë, por Hartenstein kap topin në tabelë dhe i shkaktohet faull nga Thompson, me Hart që kthehet në vijë dhe shënon 113 - 111.
Protagonisti tjetër i madh është Brunson, i cili shënoi një "dyshe" prej 35 pikësh dhe 12 asistimesh. Simone Fontechio përfundoi me 12 pikë, 5/9 nga fusha dhe 2/5 nga përtej harkut. Në Lindje, Knicks mbeten të katërtit.
Rezultatet në NBA:
Indiana – Toronto, 122-130
New York – Detroit, 113-111
Memphis – Brooklyn, 86-111
Sacramento – Miami, 110-121
