U zhvilluan dy ndeshjet e radhës së fazës play-in në NBA, ku në fushë kanë zbritur skuadrat e renditura në vendet 9-10 në Konferencat përkatëse. Në Lindje ekipi i Chicago Bulls triumfoi 109-105 kundër Toronto Raptors jashtë fushe, në një ndeshje me rivalitet deri në fund. Toronto nuk përfitoi nga faktori fushë edhe pse Siakam realizoi 32 pikë, duke u eliminuar nga gara për titull.
Për Bullsat u dallua Zach LaVine me 39 pikë. Chicago në ndeshjen tjetër të play-in do të përballen me Miami Heat. Në Perëndim, ekipi i Oklahoma Thunder fitoi 123-118 ndaj New Orleans Pelicans, një ndeshje spektakolare. Për Oklahomën u dalluan Shai me 32 pikë e Giddey me 31 pikë, që në ndeshjen tjetër të play in do të luajnë ndaj Minnesota, ndërsa New Orleans eliminohet.
Faza play-off dhe play-in
