DURRËS- Ndahet nga jeta në moshën 72-vjeçare kreu i Shoqatës" Durrësi", Shpëtim Metani. Lajmi është dhënë nga kryebashkiakja e Durrësit, Valbona Sako, e cila lartëson figurën e tij, si një qytetar shembullor, veprimtaria e të cilit ka lënë gjurmë.
" Me trishtim mësova lajmin e ndarjes nga jeta të Z. Shpëtim Metani, kryetar i shoqatës “Durrësi”. Një qytetar model, veprimtaria e të cilit ka lënë gjurmë dhe do të kujtohet e nderohet gjithmonë nga qytetaria Durrsake. Ngushëllime të sinqerta familjes. Ju ftoj ta nderojmë të gjithë së bashku për në banesën e fundit:
Nesër në orën 10 tek Pallati i Kulturës Aleksandër Moisiu", shkruan Sako.
Postimi i kryebashkiakes Valbona Sako
Kujtojmë që Metani ka dhënë një kontribut te paçmuar qytetit bregdetar në promovimin e vlerave dhe krijimin e festave simbol siç ishin, "Mikpritja Durrsake", "Festa e Ullirit", "Festa e Detit" etj.
Komente
