Lulzim Konçi

Sport

Ndahet nga jeta Lulzim Konçi, ish-arbitri shqiptar i FIFA-s

31 Gusht, 11:33| Përditesimi: 31 Gusht, 11:34

  • Share

SHBA - Një prej figurave më të njohura në arbitrimin shqiptar, Lulzim Konçi është ndarë nga jeta në moshën 85-vjeçare në New York. Konçi nisi rrugëtimin e tij me pasionin për futbollin si lojtar te Tirana dhe Dinamo. Më pas u ngjit në radhët më të larta të arbitrimit, duke përfaqësuar Shqipërinë si gjyqtar i FIFA-s.

Përveç kontributit të madh në sport, Konçi ishte edhe edukator. Ai mbeti i lidhur me botën e futbollit edhe pas tërheqjes si gjyqtar, duke shërbyer si vëzhgues. Prej disa vitesh ai jetonte në SHBA.

ARBITRIMI

Lulzim Konçi u afrua pranë sektorit të arbitrimit në vitin 1965 dhe këtu nisi karrierën si arbitër futbolli. Konçi fillimisht ishte arbitër i Kategorisë së Parë, pastaj u bë gjyqtar i FIFA-s në fillim të viteve 70-të, deri kur u tërhoq nga gjykimi rreth 1990-s.

Kreu i FSHF-së, Armand Duka shprehu ngushëllimet e tij.

"Me dhimbje të madhe mora lajmin e ndarjes nga jeta të Lulzim Konçit, një prej figurave më të spikatura të arbitrimit shqiptar. Kontributi i tij si arbitër i FIFA-s dhe më pas si vëzhgues mbetet pjesë e rëndësishme e historisë së futbollit tonë. Dua t’i shpreh ngushëllimet më të sinqerta familjes Konçi, të afërmve dhe komunitetit të arbitrimit shqiptar. Kujtimi i tij do të mbetet i paharruar", shkruan Duka.

S.Dh/ReportTv.al
Komento

Komente

  • Sondazhi i ditës:

    Çmendet trafiku, kush e ka përgjegjësinë?