Gjyqtari i famshëm amerikan, Frank Caprio, ka ndërruar jetë në moshën 88-vjeçare. Familjarët ndanë lajmin përmes llogarive sociale të tij, duke thënë se u shua pas një beteje të gjatë me kancerin e pankreasit.
Caprio fitoi famë në internet për natyrën e tij të dhembshur si prezantues i serialit reality show “Caught in Providence”. I njohur për dhembshurinë dhe humorin në sallën e gjyqit, videot e gjyqtarit Caprio duke kryesuar çështjet në shfaqjen e tij të famshme Caught in Providence kanë marrë miliarda shikime në mediat sociale, duke i dhënë atij edhe titullin "gjyqtari më i mirë në botë".
Gjatë kohës që ishte në bankën e gjyqtarëve, Caprio zhvilloi një personalitet në kundërshtim me shumë gjyqtarë të tjerë televizivë, më simpatik dhe më pak konfrontues. Ai gjithashtu e përdori famën e tij duke adresuar çështje të tilla si qasja e pabarabartë në sistemin gjyqësor.
Gjykatësi Caprio kryesoi mijëra çështje në qytetin e tij të lindjes, Providence, Rhode Island, përpara se të niste karrierën televizive.
Pasi u diagnostikua me kancer në pankreas në vitin 2023, Caprio tha se ishte "plotësisht i përgatitur të luftonte sa më shumë që mundej" dhe falënderoi ndjekësit për mbështetjen e tyre. Në një nga postimet e tij të fundit në rrjetet sociale, gjykatësi Caprio njoftoi se ishte rikthyer në spital pasi pësoi një “pengesë” në trajtimin e tij dhe u kërkoi ndjekësve të tij lutjet e tyre.
Gjykatësi Caprio la pas gruan e tij, Joyce Caprio, me të cilën ishin bashkë për rreth 60 vjet, pesë fëmijët e tyre dhe nipërit e mbesat.
Komente
