Ulja e temperaturave por edhe ndalimi i gjuetisë ka bërë që këtë vit në liqenet e Qarkut të Korçës të numërohen më shumë shpendë sesa vitet e kaluara. Nga censusi i shpendëve i kryer në Liqenin e Prespës dhe të Pogradecit vërehen edhe shpendë të rrallë.
“Sivjet kemi prani më të madhe të shpendëve për vetë faktin e uljes së temperaturave që favorizojnë shpendët, vihet re një numër i madh i rosave, prani të madhe të pulëbardhës, bajzës, shpend karakteristik siç është mjelma, çafka”thotë specialisti i Zonave te mbrojtura Gani Bego.
Specialisti i Zonave te mbrojtura Gani Bego thotë se të gjithë të apasionuarit pas gjuetisë duhet ti shmangin zonat e mbrojtura pasi jo vetëm që janë nën vëzhgim të rreptë por edhe masat administrative që aplikohen janë të rënda.
“Moratoriumi ka dhënë efektin e tij, pasi shpendët janë afër bregut dhe nuk shqetësohen nga qytetarët. Gjuetia është e ndaluar dhe me ligjin e ri të zonave të mbrojtura, dhe masat administrative janë shumë të rënda”, shprehet Bego.
Numërimi i shpendëve zhvillohet për të 6-in vit rresht nga Agjencia Kombëtare e Zonave të Mbrojtura, në bashkëpunim të ngushtë me ekspertë, organizata jofitimprurëse mjedisore dhe studentë. Ky census zhvillohet njëkohësisht në 146 vende të botës.
Komente
Me se fundi !
Përgjigju