Nën tingujt e marshit funebër, e mbuluar me karafila të bardhë dhe mes duartrokitjesh, u përcoll për në banesën e fundit ikona e kinematografisë shqiptare Margarita Xhepa.
Familjarë, njerëz të artit dhe kulturës, politikës e medias, por edhe njerëz të thjeshtë nga i gjithë vendi ishin të pranishëm në homazhet e mbajtura prej orës 10.00- 13:00, për të nderuar figurën e artistes së njohur.
Pas homazheve, trupi i saj u përcoll drejt varrezave të Sharrës, ku do të prehet artistja që i dha aq shumë artit shqiptar.
I biri Ndriçim Xhepa rrëfeu pengun e nënës së tij artiste për një film të fundit, ndërsa ish-bashkëpunëtorët tregojnë mes lotësh dhimbjen që la pas ikja e Margarita Xhepës vetëm një ditë pasi mbushi 91 vjeç.
"Kishte një natyrë të çuditshme, madje kur binte biseda në momente të shkëputura, kishte vite që thoshte për skenën nuk kam fuqi, por për filmin kishte dëshirë të bënte edhe një", tha ai.
Aktori i njohur Timo Flloko tha për Report Tv, se pavarësisht se Margarita nuk jeton më ajo do të jetë e paharruar.
“Është simboli i artistes në gjithësi. Do të mbetet e paharruar te artdashësit. Po ta shikoni në këto homazhe ka një trysni të njerëzve që vijnë e duan ta nderojnë. Kam një kujtim të rrallë, kam bërë një skenë të Hamletit me të. E kam edhe të regjistruar”, tha Timo Flloko.
Ndërkohë Angjelina Xhara, skenariste e cila i ka kushtuar edhe një libër aktores së ndjerë tha se Margarita ishte një aktore hyjnore.
“Kemi kaq kujtime së bashku. Ishte një aktore hyjore. Dinte si të komunikonte me të gjithë. Margaritën e kanë krahasuar me një nga aktoret e më të njohura në Greqi. Si Margarita nuk ka pasur asnjë aktore tjetër, ishte e guximshme, ishte një aktore që zoti e kishte bekuar me talent. Shpirtin që kishte Margarita Xhepa rrallë ta gjesh diku tjetër. Nuk ishte mendjemadhe, kishte një shpirt modest. Njerëzit e donin shumë. Të gjithë e përqafonin dhe u dukej sikur ia largonte problemet! Te libri kam publikuar edhe një bashkëbisedim të. Është idhulli im, tha Xhara për gazetaren Blerina Gace.
Katjushka Pogaçi shprehet se Margarita Xhepa ishte e palodhur, e papërtuar në punën e saj.
“Kishte një madhështi divine edhe pse ishte e ndërgjegjshme për artin e saj”, tha Pogaçi.
Ikona e kinematografisë shqiptare ndërroi jetë dje (3 prill) një ditë pasi festoi 91-vjetorin. Margarita Xhepa u shua në një spital privat në Tiranë, ku ishte shtruar për shkak të disa problemeve pulmonare.
Aktorja u lind më 2 prill të vitit 1932, në qytetin e Lushnjës, prej ku nisi edhe hapat e parë drejt karrierës së saj. Nga viti 1950 u aktivizua si artiste probiste në Teatrin Popullor (sot Teatri Kombëtar) dhe njëkohësisht studioi në Liceun Artistik, dega e Dramës.
Ka interpretuar mbi 150 role në teatër, ku përmendim: Majlindën tek filmi ‘Majlinda’, Dafina tek ‘Lumi i vdekur’ , Filja tek ‘Cuca e maleve’ , Zonja Mëmë tek ‘Kush e solli Doruntinën’ , Nëna tek ‘Përballë vetes’etj. Ka qenë njësoj e suksesshme në rolet e dramaturgjisë botërore, si Ofelia tek ‘Hamleti’, vajza e dytë tek ‘Mbreti Lir’, dado tek ‘Romeo e Xhulieta’, Mbretëresha Margaret tek ‘Rikardi III’, të Shekspirit.
Veç roleve në teatër, ka realizuar edhe 32 role në kinematografi, duke punuar me shumicën e regjisorëve shqiptarë ku përmendim filmat: “Vitet e para” , “Gjurmët”, “Dimri i fundit”, “Tokë e përgjakur”, “Një djalë edhe një vajzë”, “Apasionata”, “Gjeneral gramafoni”, “Rrethi i kujtesës”, “Vitet e pritjes”, “Dora e ngrohtë”, “Gurët e shtëpisë sime”, “Pranvera s’erdhi vetëm”, “Koncert në vitin 1936”, “E diela e fundit” dhe “I dashur armik”.
Me karafila të bardhë në duar dhe duartrokitje, ikona e kinematografisë shqiptare u përcoll sot për në banesën e fundit.
Minella Kureta tha për Report Tv se me dhimbje të madhe, sot përcollëm ‘Nderin e kombit’.
“Me dhimbje të madhe përcollëm Margaritën, nderin e kombit. Kemi bashkëpunuar për 40 vjet. Ka qenë aktorja më e shquar në teatrin dramatik dhe kinematografisë.
Ajo nuk u shkëput kurrë nga arti, përkundrazi ajo dhe një kontribut të madh. Ajo ishte gruaja më e madhe e kombit",tha Kureta.
Në Teatrin Kombëtar të Operas dhe Baletit po mbahen homazhert për ikonën e kinenatografisë shqiptare, Margarita Xhepa. Ndër shumë figura të njohura të artit ishte edhe aktori Luftar Paja.
“U shkëput si një tërmet i madh. Ishte një mal i madh artistik, do të jetë e pazëvendësushme në radhët tona. Kemi xhiruar një film që nuk ka dalë akoma. Titulli i filmit është ‘Vdekja le të presi’, por Margarita nuk priti dot. Prehu e qetë zonjë e madhe, do ecim përpara në gjurmët e tua”, tha Paja.
Aktorja e mirënjohur Tinka Kurti ka marrë pjesë në homazhet në ndër të aktores, Margarita Xhepa e cila u nda nga jeta një ditë më parë. E emocionuar me zërin që i dridhej, Tinka Kurti i dha sot lamtumirën, koleges së saj Margarita Xhepa.
Aktorja e njohur, ‘Artistja e Popullit’ edhe njëkohësisht ‘Nderi Kombit’ Tinka Kurti ka reaguar pas homazheve për ndarjen nga jeta të aktores së mirëjnjohur Margarita Xhepa. Kurti e prekur nga ngjarja, ndau me gazetarët shkurtimisht disa fjalë në nderim të saj.
“Unë e kisha vajzë e kisha shoqe dhe e kisha mikeshë. Nuk kemi ç’të bëjmë, unë jam më e madhe se ajo, duhet të hesht se kam dhimbje të madhe shumë, shumë,” u shprejh Tinka Kurti.
Aktori i njohur dhe njëkohësisht djali i aktores së ndjerë Margarita Xhepa i pikëlluar në homazhet që po mbahen tha se nëna e tij kishte dëshirë të realizonte edhe një film tjetër.
Mbylli jetën e saj në mënyrë normale ka të dhëna të fundit se problemet e karakterit të lodhshëm, lodhjet dhe mendojnë të vetën. Kishte një natyrë të çuditshme, madje kur binte biseda në momente të shkëputura, kishte vite që thoshte për skenën nuk kam fuqi, por për filmin kishte dëshirë të bënte edhe një. Filmi “Bolero në vilën e pleqve” përkon edhe me fundin e jetës së saj”, tha ai.
Ditën e sotme janë zhvilluar homazhet në nderim të aktores së njohur Margarita Xhepa që u nda nga jeta ditën e djeshme. Xhepa mbante titullin 'Nderi Kombit' dhe është njohur për shumë role të famshme në teatër dhe film. Mes shumë figurave publike, nga arti dhe politika për gazetarët ka folur dhe aktori i njohur Timo Flloko.
Flloko ka luajtur disa role me aktoren e ndjerë, edhe gjatë fjalës së tij thekson se ndan kujtime të rralla.
“Ruaj kujtimet më të jashtëzakonshme me të. Do të mbetet e paharruar. Po të shihni në këtë homazh ka një vizitë një ardhje një trysni të njerëzve që duan të vijnë e ta nderojnë. Kam një kujtim të rrallë me të, një skenë të Hamletit me nënën. E kam të filmuar dhe e kam si kujtim të rrallë”, tha ai.
Komente
