Për ndarjen nga jeta të notarit 24-vjeçar, Klavio Meça, ambasadorja shqiptare në SHBA i ka kushtuar një mesazh prekës.
Ajo ka zgjedhur ta kujtojë sportistin shqiptar përmes një video të vetë Klavios i cili citon disa nga vargjet e veprës së Naim Frashërit, ‘Fjalët e Qiririt’.
Klavio ndërroi jetë ditën e djeshme i cili dyshohet se pësoi një arrest kardiak. Lajmin e bërë të ditur nga Komiteti Olimpik Kombëtar Shqiptar (KOKSH), përmes një postimi në rrjete sociale, duke e quajtur një bombë ndarjen nga jeta të sportistit.
I riu ka pasur një sërë arritjesh sportive ndërsa veçojmë se në Budapest të Hungarisë ka vendosur një rekord të ri kombëtar në 400 m stil i lirë me kohën e përgjithshme 4’04”03.
Postimi i plotë i ambasadores shqiptare në SHBA:
Të njohëm shumë shkurt dhe ndamë me ty veçse pak ditë, por do të të kujtojmë gjatë për ngazëllimin që përçoje dhe entuziazmin që solle tek të gjithë që ishin pjesë e programit. ‘Ditët Shqiptare në Uashington DC’ është një nga aktivitetet më të vyera që Ambasada shqiptare zhvillon. “The very smart, sweet and easygoing” Klavio ishte pjesë e grupit të studentëve të zgjedhur për vitin e kaluar (2019). Tradita e këtij aktiviteti dy-ditor me takime dhe vizita në shumë institucione amerikane shpresojmë të vijojë vit pas viti por tashmë për një arësye me shumë, kujtimin e paharruar të tij. Ngushëllimet më të sinqerta për këtë humbje tragjike e të parakohshme për familjarët, të afërmit dhe gjithë miqtë e Klavios. Videon e mëposhtme e kam regjistruar personalisht gjatë takimit në Ambasadë. E publikoj me qëllim që të ndaj një kujtim të bukur të Klavios nga një moment që sot merr tjetër vlerë. I përjetshëm kujtimi tij!
Komente
ngushellime familjes per humbjen ketij kampion te madh te notit shqipetar
PërgjigjuNje Kupe me emrin e tij do ta nderonte ne perjetesi. U Prefsh ne Paqe kampio
Përgjigju