Në vitin 2007 futbolli spanjoll përjetoi një ngjarje tragjike, pasi 22-vjeçari Antonio Puerta ndërroi jetë në fushën e lojës gjatë ndeshjes Sevillia-Getafe.
Edhe pse kanë kaluar 16 vite tifozët e Sevillia-s kanë treguar se ai do të mbetet i paharrueshëm për ta. Para ndeshjes me Manchester United për Europa League, të enjten, ata kanë shkuar poshtë shtëpisë së babait të futbollistit të ndjerë, duke kënduar dhe brohoritur emrin e tij.
I ati i futbollistit menjëherë ka dalë në dritaren e banesës dhe pasi ka duartrokitur tifozët shihet teksa sytë i mbushen me lot. Megjithatë gjesti i tifozëve të Sevillia-s do të mbetet i mrekullueshëm, pasi kujtojnë një futbollist i cili që i vogël luajti vetëm për klubin e tyre.
Komento
