ITALI - Ka ndërruar jetë në moshën 91-vjeçare Giuseppe Farina, ish-presidenti i Milanit, i njohur më mirë si Giussi. Drejtuesi i AC Milan mbajti frenat e klubit nga viti 1982 deri në 1986, përpara se t'ia dorëzonte Silvio Berlusconit.
I lindur në Gambellara, në provincën e Viçenzës, në vitin 1933, ai do të mbushte 92 vjeç në shtator. Gjatë karrierës së tij si sipërmarrës ai drejtoi përveç kuqezinjve, Padovan dhe Vicenzën , ku arriti një vend të dytë historik në Serie A gjatë sezonit 1977-78.
Golashënuesi më i mirë ishte Paolo Rossi, kampioni i ardhshëm i botës në vitin 1982; ai shënoi 24 gola. I mbiquajtur Giussi, gjatë karrierës së tij ai drejtoi 12 skuadra; Milan, Padova, Vicenza, Audace, Valdagno, Legnago, Schio, Rovigo, Belluno, Rovereto, Modena dhe Palù.
VITET TE MILANI - Farina mori drejtimin e Milanit më 19 janar 1982 nga Gaetano Morazzoni. Ishin kohët e Gigi Radice në stol dhe disa vështirësi. Pak ditë pas marrjes së detyrës, Farina zëvendësoi Radicen me Italo Galbiatin. Por kuqezinjtë përfunduan në vendin e 14-të, duke rënë në Serie B për herë të dytë.
Në 1982-83 mbërriti Ilario Castagner, i cili e ktheu menjëherë Milanin në divizionin e lartë. Farina dha dorëheqjen si president në 1986, pas një përkeqësimi të situatës financiare. Në vend të tij u zgjodh Rosario Lo Verde, i cili mbeti në krye të kompanisë si regjent. Më 20 shkurt 1986, presidenti i Fininvest Silvio Berlusconi bleu ekipin, duke shlyer borxhin prej disa miliardë liretash dhe duke shpëtuar klubin nga falimentimi. Pjesa tjetër është histori.
Komente
