Ka ndërruar jetë në moshën 81 vjeçare, Wolfgang Schäuble, ish ministri gjerman i financave. Sipas njoftimit të familjes, politikani 81-vjeçar ka ndërruar jetë në shtëpinë e tij mbrëmjen e së martës (26 Dhjetor).
Schäuble, i cili ishte deputet i Bundestagut për 50 vite, la pas gruan e tij 80-vjeçare Ingeborg, katër fëmijë dhe katër nipër e mbesa.
Siç theksohet nga mediat gjermane, Schäuble shënoi historinë e Gjermanisë si asnjë politikan tjetër, raporton Reuters.
Schaeuble kaloi pjesën më të madhe të karrierës së tij kushtuar ribashkimit të vendit të tij dhe më vonë shërbeu si ministër i financave i ish-kancelares Angela Merkel gjatë krizës së borxhit të eurozonës.
Schaeuble ishte anëtar i Partisë Kristian Demokrate të qendrës së djathtë të Merkelit që nga viti 1965 dhe u bë anëtar i parlamentit në vitin 1972, duke e bërë atë një nga politikanët më jetëgjatë në Gjermani.
Në tetor 1990 Schäuble u qëllua nga një i sëmurë mendor gjatë një mitingu fushatës dhe që atëherë ka qenë në karrige me rrota.
Pas zgjedhjeve federale të vitit 2021, të cilat Demokristianët i humbën, Schäuble u largua nga komitetet drejtuese. Në Bundestag, Berber Bas u bë president dhe Schäuble ishte anëtar i parlamentit deri në vdekjen e tij.
