Tiranë- Gjykata e Tiranës konfiskoi 7 vila të të ndërtuara me dokumente të falsifikuara në zonën e Mulletit në Tiranë, ndërsa dënoi 9 persona përfitues të këtyre nëdrtimeve, mes tyre dhe 2 arkitektët.
Ata u shpallën fajtor për veprën penale ‘ndërtim i paligjshëm’ dhe ‘falsifikim i dokumentevee’ parashikuar nga nenet 199/a dhe 186/3 të Kodit Penal.
Hetimet kishin nisur prej vitit 2023 nga Prokuroria e Tiranës.
“Në përfundim u konkludua se janë konsumuar elemetet e veprave në zonën e Mulletit, në ekonominë pyjore 1/a dhe 2/a, janë ndërtuar 7 objekte (vila), formalisht të pajisura me leje rindërtimi, por që rezultoi se dokumetacioni tekniko-ligjor i përdorur pasqyronte të dhëna të rrëme, si dhe duke cenuar fondin pyjor, në juridiksion të Bashkisë Tiranë”, sqaron Prokuroria.
Hetimet paraprake të prokurorisë kanë nisur vitin e kaluar (2023) për veprën penale të “ndërtimi të paligjshëm". Sipas prokurorisë, Armando Prelezi dhe Klevis Bregu përdorën të dhëna të rreme në aplikimin për leje duke i zhvendosur 5 objekte ndërtimi me sipërfaqe 1470 në një pronë shtetërore të dhënë me qira Gani Mokës.
Më 28 Mars të këtij viti, Prokuroria sekuestroi 7 vilat dhe mori të pandehur 9 personat. Çështja për rastin në fjalë u hap në muajin Nëntor të vitit të kaluar, ku u arrestuan edhe 2 arkitektët.
Njoftimi zyrtar i Prokurorisë së Tiranës
Komente
