KUKËS- Prej mesditës së sotme trafiku i mjeteve që udhetojnë nga Kosova drejt Tiranës por edhe anasjelltas në segmentin Kukes-Morinë rrugës së kombit është devijuar pranë rrethrrotullimit të Gostilit për në unazën e qytetit të Kukësit e për t’u lidhur me urën ekzistuese mbi ‘Drinin e Zi’.
Devijimi i trafikut u bë për shkak të sigurisë gjatë punimeve që po kryhen për zhvendosjen e urës së re mbi bazamentet përfundimtare, proces që sipas kompanisë koncesionare do të marrë rreth dy javë kohë.
Policia rrugore në bashkëpunim me policinë bashkiake por menaxhojnë trafikun ndërsa punonjësit e kompanisë koncesionare vendosën sinjalistikën e nevojshme dhe blloqe betoni për të ndaluar qarkullimin nga rreth rrotullimi i Gostilit deri tek ura mbi Drin.
Komento
