Kuçovë- Viti i ri shkollor ka nisur, me stë tjerash jo vetëm me problematika për godinat ende në ndërtim apo rikonstruksion që sollën zhvendosjen e nxënësve në ambiente të tjera, por edhe me inaugurimin e shumë prej tyre.
Një nga këto shkolla është edhe ajo e sapondërtuar në Kuçovë. Shkolla e Mesme e Bashkuar “Llazar Kuli”, në fshatin Perondi priti nxënësit me një ‘kostum të ri’, investim i Ministrisë së Arsimit, Sportit dhe Bashkisë së Kuçovës.
Është kryeministri Edi Rama që e ka nisur ditën me këtë lajm-njoftim të ri në rrjetin social Facebook, duke vënë në dukje edhe kushtet moderne në shkollën e sapondërtuar.
Postimi i kryeministrit:
“MIRËMËNGJES
dhe me shkollën e re “Llazar Kuli" në fshatin Perondi, Kuçovë, një tjetër investim i Ministrisë së Arsimit dhe Sportit dhe Bashkisë së Kuçovës, që ka hapur dyert me kushte moderne në fillim të këtij viti shkollor, ju uroj një të diel të qetë”.
Komente
