Ndeshja e datës 7 qershor (e shtunë) Shqipëri-Serbi në “Arenën Kombëtare”, e vlefshme për Eliminatoret e Botërorit 2026, ka rritur edhe masat e sigurisë nga ana e Policisë së Shtetit.
Për të parandaluar incidentet e mundshme, edhe pse në stadium nuk do ketë tifozë serbë, Policia e Tiranës ka ndërmarrë një plan masash të rrepta sigurie.
Një prej tyre është edhe boshatisja e bizneseve në ambientet e stadiumit.
Bizneset pranë “Arenës Kombëtare” ishin sot duke çmontuar rrethimet dhe tendat, pas kërkesës së Bashkisë Tiranë, IMT dhe Policisë, si pasojë e ndeshjes Shqipëri-Serbi
Disa prej administratorëve të bizneseve shprehen se po u bëhet një dëm financiar i pajustifikuar, si rrjedhojë se ekipi i Serbisë nuk do të ketë as tifozë prezent.
Komento
Komente
