Kushdo që ka kuriozitet për stadiumin Arena Kombëtare do të ketë mundësinë të ndjekë falas ndeshjen testuese të impiantit më 3 nëntor. Bëhet fjalë për sfidën e kampionatit të femrave mes Vllaznisë dhe Apolonisë që shorti e përcaktoi më 10 tetor.
Rregullat e UEFA-s thonë se para ndeshjes zyrtare është e detyruar të kryhet një takim testues dhe federata ka menduar ti japë mundësinë publikut të gjerë për të parë impiantin e ri në kryeqytet.
Burime të Report TV në FSHF thanë gjithashtu që ndeshja e 14 nëntorit e kombëtares shqiptare për eliminatoret e Europianit kundër Andorës do të luhet në Elbasan Arena, për t’I lënë ekskluzivitetin i inaugurimit sfidës me Francën, e cila është e programuar më 17 nëntor.
Për të dy ndeshjet biletat dhe çmimet e tyre sipas federatës do të bëhen me dije javën e ardhshme. Deri më tani është njoftuar se për sfidën me Francën ka një interes të madh për bileta.
Ndërkohë ashtu si report tv ka bërë me dije edhe më herët në cerominë inauguruese përveç fjalimeve të rastit nga përfaqësues të politikës dhe federatës do të perfermojë edhe një këngëtare shqiptare me famë ndërkombëtare.
Ne.k./ReportTv.al