Në 23 shkurt "Le Figaro" në Francë bënte me dije se katër ndeshje në Superligën e Kosovës ishin dyshuar si të trukuara dhe grupe kriminale në Kosovë dhe Francë kishin përfituar shuma të konsiderueshme. Tanimë edhe Interpol (Organizata Ndërkombëtare që heton krimet) e ka përfshirë këtë ndodhi në buletinin e saj mujor në "Integritetin për Sportin".
"Një skandal me trukime ndeshjesh tronditi kampionatin e Kosovës në futboll. Bastvënësit ishin të bazuar në Kosovë dhe Francë, ndërsa aktiviteti i tyre i organizuar kriminial ishte hetuar për gati një vit”, njofton Interpol.
Në median franceze u përfol se katër ndeshje të Llapit në elitën e Kosovës ishin të dyshuara si të trukuara. Tanimë situata është bërë serioze për klubin nga Llapi, me Interpolin që është futur në lojë.
"Hetimi bëri të mundur kthimin e “anëtarëve të një rrethi të gjerë familjar të vendosur si në Francë ashtu edhe në Kosovë”, të dyshuar se kishin marrë pjesë “në manipulimin e rezultateve të disa ndeshjeve për të garantuar fitime të konsiderueshme gjatë basteve në rezultate të këtyre ndeshjeve, të njohura paraprakisht", thuhej në lajmin e "Le Figaro".
Njoftimi i Interpolit
