Presidenti Ilir Meta me anë të një video ka uruar ekipin e Tiranës që pas 11 vitesh u shpall kampion i Superligës, me titullin numër 25 në historinë e tyre. Meta ka shpërndarë videon e mbrëmshme të tifozëve të Tiranës që pas sigurimit të titullit u mblodhën në sheshin 'Nënë Tereza' për të festuar së bashku edhe pse diçka e tillë nuk lejohet, për shkak të pandemisë.
Në urimin e tij Meta thotë se ky ekip e meritoi diçka të tillë edhe falë tifozëve të mrekullueshëm, të cilët mbrëm ndezën kryeqytetin.
"Shumë urime TIRONËS, ekipit KAMPION dhe të gjithë tifozëve të mrekullueshëm bardhë e blu, të cilët i përshëndes me këto pamje fantastike nga festa e mbrëmshme që ndriçoi të gjithë kryeqytetin.
Titulli KAMPION, plotësisht i merituar, i shton hijeshinë 100-vjetorit të Tironës kryeqytet!
Ashtu siç me të drejtë i madhi Kasem Hallulli e përjetësoi në këngë:
"O Tiron Tirona,
Ti do të jesh KAMPIONIA"
Komente
Kur u bo me tironen Like floriri, cuni i komisarit.... Cfardo qe te bohesh katunar do te mbetesh.
Përgjigju