Pas 16 orësh punë, vihet sërish në funksion të plotë nënstacioni elektrik në Ibë, që u dëmtua një ditë më parë nga zjarri. Brigadat e Tensionit të Lartë të OSSH, në bashkëpunim me OST, kanë kryer zëvendësimin e pajisjeve të dëmtuara, përfshirë transformatorin e fuqisë dhe komponentët e tjerë teknikë.
OSHEE sqaron se banorët e Baldushkut, Ibës dhe Bërzhitës janë furnizuar normalisht me energji brenda dy orëve pas dëmtimit, si rrjedhojë e lidhjeve në unazë me fidera të tjerë që dalin nga nënstacioni i Farkës.
"Gjatë gjithë natës janë kryer me shpejtësi zëvendesimi i të gjitha paisjeve të dëmtuara, si transformatori i fuqisë, transformatorët e rrymës, tensionit, kabllot dhe urat kabllore, terminalet etj. Pavarësisht punimeve, sqarojmë se banorët e zonave si Baldushk, Ibë, Bërzhitë, etj, janë furnizuar normalisht me energji elektrike brenda dy orëve nga dëmtimi i transformatorit, si rrjedhojë e lidhjeve në unazë me fidera të tjerë që dalin nga nënstacioni Farkë. Ndërkohë, prej orës 00:00 nuk ka patur asnjë fider të nënstacionit Ibë pa energji, pasi iu është dhënë tension nga fiderat unazorë që dalin nga nënstacioni i Farkës.", njofton OSHEE.
Zjarri ra pasditen e së premtes.
Komente
