Ish-Kryeministrja Liz Truss u gjend në një situatë të sikletshme pasi karta e saj e debitit iu refuzua për të bërë pagesën në restorantin ku ajo po drekonte të enjten e kaluar në 'BRIX LDN' në qendër të Londrës.
Duke mos pasur as para me vete, Liz Truss -it iu gjend mikesha që ndodhej me të, e cila pagoi dhe faturën që thuhet se ishte më pak se 20 dollarë. Të pranishmit e tjerë në restorant kanë bërë dhe shaka se kjo kishte ardhur për shkak se ajo nuk merrte më pagën e kryeministres.
Liz Truss është kryeministrja me mandatin më të shkurtër në historinë e Britanisë së Madhe. Ajo dha dorëheqjen pas vetëm 44 ditësh në detyrë, e nxitur nga një plan ekonomik që çoi në një krizë tregjet financiare, çoi në tronditje në kabinetin e saj dhe ndau Partinë e saj Konservatore në pushtet.
