Para dy ditësh ka ndërruar jetë në hotelin-karantinë në Durrës, Bajram Luzi 75 vjeç nga Lapardhaja e Beratit. Bajram Luzi kishte ardhur nga Italia së bashku me bashkëshorten e tij disa ditë më parë. 75- vjeçari kishte qenë në Itali për t’u kuruar pasi vuante nga tumori në stomak.
Mjekët italianë nuk i kishin dhënë shpresa për të jetuar 75- vjeçarit duke e këshilluar të kthehej në shtëpinë e tij. Në bazë të masave për COVID-19 çdo person i cili hynë në Shqipëri duhet të vetëkarantinohet për 14 ditë në një hotel në Durrës. Edhe bashkëshortja e tij u karantinua në hotel.
Më datë 24 prill, 75-vjeçari nuk është ndjerë mirë dhe ka njoftuar 127. Kjo e fundit ia ka referuar rastin e Bajram Luzit Spitalit Rajonal Durrës.
Spitali i Durrësit ka dërguar ekipin mjekësor dhe kanë vlerësuar se rasti nuk ishte për ta, duke pasur parasysh edhe diagnozën që i kishin dhënë mjekët italianë. Një ditë më pas, më datë 25 prill Bajram Luzi ndërroi jetë.
Komente

Te moshuarit cojini ne shtepi,ç eshte kjo karantine ne hotel,i moshuari do kushte,gjynah
Përgjigju