Kombëtarja shqiptare ka humbur mbrojtësin Arlind Ajeti për dy ndeshjet e fundit kualifikuese në Europian, kundër Moldavisë në transfertë me 17 nëntor dhe kundër Ishujve Faroe në Air Albania më 20 nëntor.
Ai është dëmtuar në ndeshjen e luajtur dje në Rumani me ekipin e CFR Cluj, ndërsa vendin e tij do ta marrë Jon Mersinaj. Ky i fundit aktivizohet në Kroaci me ekipin e Lokomotivo Zagreb.
Për shkak dëmtimi Sylvinho nuk ka thirrur as mbrojtësin Enea Mihaj, ndërsa ndonëse u rikuperua dhe luajti disa minuta kundër Chelsea-s, jashtë është lënë edhe Armando Broja. Ky i fundit vjen pas një kalvari të gjatë dëmtimesh.
Komento
