Shkodër- Kryetarja e Kuvendit, Elisa Spiropali, i dorëzoi drejtimin politik të PS-së së Shkodrës, kryebashkiakut Benet Beci.
Në fjalën e saj ajo tha:
“Jam besimplotë se nën drejtimin e Benet Beci, Partia Socialiste do të marrë rezultatin më të mirë që ka arritur ndonjëherë në zgjedhjet e ardhshme”.
Nga ana e tij, Kryetari i Bashkisë Shkodër tani edhe në rolin e drejtuesit politik, u shpreh se qyteti tashmë është futur në një proces transformues.
“Falë investimeve që po vihen ne zbatim puna politike bëhet me e lehtë, sepse puna është në fokusin tonë politik”, tha Beci.
Spiropali e dorëzoi drejtimin politik kryebashkiakut Beci, pas suksesit vitin e kaluar, me betejën e fituar në qytetin verior, ku socialistët fituan Bashkinë Shkodër me diferencë të madhe ndaj PD-së dhe aleatëve të saj.
