Nesër në 18:00 do të mbahet një seancë e jashtëzakonshme plenare në Kuvendin e Shqipërisë, ku pritet të votohet me votim të fshehtë për emërimin e Elisa Spiropalit si kryetare e re e Kuvendit pas dorëheqjes së Lindita Nikollas.
Gjithashtu në parlament pritet të votohet me votim të hapur edhe për ndryshimet në kabinetin qeveritar të bëra të ditura nga kryeministri Rama ditën e sotme në mbledhjen e Kongresit të PS-së.
Menjëherë pas fjalimit në Kongres Kryeministri dorëzoi ndryshimet e kabinetit në presidencë. Ndërsa sekretari i përgjithshëm i PS-së, Blendi Klosi lajmëroi mbledhjen e grupit parlamentar paraditen e së hënës.