TIRANE-Partia Demokratike ka reaguar pas ndryshimit të qëndrimit nga kryeministri Rama për operacionin në fund të shkurtit ku u sekuestruan 613 kg kokainë, e ardhur nga Kolumbia.
Gjatë një interviste për gazetën gjermane "Die Wielt" Rama u shpreh sot se droga u sekuestrua në bashkëpunim me policinë italiane duke u tërhequr nga qëndrimi i shprehur pak orë pas kapjes së 613 kg kokainë në kapanonin e "Arbri-Garden" muajin e kaluar në Maminas të Durrësit, kur tha se sasia rekord e drogës u zbulua nga autoritetet shqiptare.
Pas tërheqjes së Ramës sot, PD ka reaguar duke e cilësuar kryeministrin të ‘pa besueshëm’. Opozita ka akuzuar qeverinë për lidhje me trafikantët e 613 kg kokainë. Deri tani për sasinë rekord të drogës është kapur vetëm shoferi dhe administratori i firmës, ndërsa pronari i Arbri-Garden", Arbër Çekaj është në Gjermani, ndërsa është shpallur në kërkim.
