Bordi i Transparencës ka ndryshuar sërish çmimin e naftës dhe të benzinës, ndërsa çmimi i gazit mbetet i pandryshuar. Çmimi i naftës nga sot do të shitet me 240 lekë, duke u rritur më 5 lekë nga 235 që ishte vendosur vetëm një ditë më parë. Edhe çmimi i gazit është rritur me 6 lekë dhe nga sot do të shitet me 233 lekë, nga 227 që ishte caktuar dje. Çmimi i gazit mbetet i pandryshuar dhe do të shitet me 81 likë për litër.
‘Bordi i Transparencës në datë 8 Korrik 2022, në mbledhjen e radhës vendosi: Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 240 lekë/litri, ndërsa i shitjes me shumicë jo më shumë se 228 lekë/litër. Çmimi i shitjes me pakicë i nënproduktit benzinë e standardit SSH EN të jetë jo më shumë se 233 lekë/litri,ndërsa i shitjes me shumicë jo më shumë se 221 lekë/litër. Çmimi i shitjes me pakicë i nënproduktit gaz, të jetë 81 lekë/litër edhe i shitjes me shumicë 69 lekë /litër.
Çmimet e caktuara nga Bordi do të hynë në fuqi sot datë 8 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi. Në rast të shkeljeve të konstatuara nga operatorë të ndryshëm do të vendoset pezullimi i aktivitetit. Jemi në monitorim të vazhdueshëm të ecurisë së bursave, me qëllim reagimin sa më të shpejtë.’- njofton bordi.
Çdo biznes i shitjes me shumicë dhe pakicë i nënprodukteve të naftës është i detyruar të zbatojë Vendimin e Bordit të Transparencës, në lidhje më çmimet e shitjes me shumicë dhe pakicë. Në rast të shkeljeve të konstatuara nga operatorë të ndryshëm do të vendoset pezullim aktiviteti, heqje licence dhe sekuestrim.
Anëtarët e Bordit Kombëtar të Administrimit të Karburanteve
Ministrja e Infrastrukturës Belinda Balluku
Ministrja e Financave, Delina Ibrahimaj
Drejtori i drejtorisë së Tatimeve, Ceno Klosi
Drejtori i drejtorisë së Doganave, Gent Gazheli
5 përfaqësues nga shoqërite e hidrokarbureve të cilat kanë xhiron vjetore më të lartë në vitin paraardhës
Komente
e ju pifsha dolline, e ulet dje meqe kishte proteste dhe e ngritet sot prap. Ajde ilace per ju dhe femijet tuaj ato leket qe po beni ne kuriz te ketij populli
PërgjigjuUne nuk e kuptoj pse e ulin çmimin, mbajeni o vlla çmimin lart 3000lek e siper mos u lodhni duke bere mbledhje.
Përgjigju