Ndeshjet e Kategorisë Superiore, të vlefshme për javën e 35-të të saj, nuk do të zhvillohen të shtunën, më 25 maj, siç ishte parashikuar në kalendarin futbollistik.
Mësohet se sfidat Kastrioti- Teuta; Laci- KF Tirana; Partizani- Kukësi; Skënderbeu- Luftëtari Gjirokastra do të zhvillohen ditën e dielë, dhe jo të shtunën siç ishte njoftuar më herët. Si pasojë e kësaj shtyrjeje, kanë pësuar ndryshime edhe ndeshjet e javës së 36-të.
Lajmi është dhënë zyrtarisht nga Federata Shqiptare e Futbollit.
"Sektori i Garave në FSHF dëshiron t'ju informojë se java e 35-të e Kategorisë Superiore e planifikuar për tu zhvilluar e gjitha ditën e shtunë, do të zhvillohet ditën e dielë, datë 26 Maj. Në të njëjtën kohë është spostuar për një ditë dhe java e 36-të, e cila do të luhet ditën e enjte, datë 30 Maj", njofton FSHF-së.
Komente
