Ligji për mbrojtjen e të miturve nga përdorimi alkoolit ka pësuar disa ndryshime që pritet të votohen në parlament të enjten e 25 Tetorit. Ndryshimet synojnë ndalimin e konsumit të pijeve energjike dhe me gaz për të rinjtë nën moshën 18-vjeç. Për Report Tv, të rinjtë pranojnë se këto pije janë të dëmshme dhe sjellin probleme shëndetësore.
Unë për vete jam me alergji dhe këto më shkaktojnë edhe më shumë. Jam konsumues i pijeve energjike, edhe pijeve me gaz po deri diku jam dakord që të hiqen, por deri diku jo. Nuk është e thënë të ndalohen me ligj. Janë të mira pijet me gaz, nuk ka asgjë të keqe.
Të rinjtë
Ndërsa më entuziastë nga kjo nismë shprehen prindërit e të rinjve.
Shumë dakord, s’ka si mos të jem dakord.
Prindërit
Përveçse do të ndalohet shitja e pijeve energjike, ndryshimet në ligj parashikojnë dënime me gjobë për të gjithë personat madhorë, që ua ofrojnë të rinjve nën moshën 18-vjeç.
