Girona e mbylli sezonin e shkuar të La Liga në vendin e tretë, teksa shkrimi i historisë së klubit katalanas solli pas edhe peripecitë nëse mund të merrte ose jo pjesë në Champions League.
Kjo dilemë kishte lidhje direkte me Manchester Cityn. Të dy klubet janë në pronësi të City Football Group dhe rregullat e UEFA-s thonë se dy subjekte në pronësi të së njëjtës kompani nuk mund të konkurrojnë në të njëjtën garë evropiane.
Kjo do të thotë se te Girona duheshin bërë ndryshime të rëndësishme strukturore për të qetësuar organin qeverisës. Këto ndryshime janë bërë dhe sipas gazetës Marca, ka mjaftuar për të kënaqur UEFA-n, pasi Trupi i Kontrollit Financiar të Klubit i ka dhënë zyrtarisht lejen Girona për të garuar në Ligën e Kampionëve në edicionin 2024-25.
Një lajm i mirë për La Ligan dhe klubin e Gironas që do kërkojë surprizën në vitrinën evropiane.
