TIRANË- Presidentja në detyrë e Kosovës, Vjosa Osmani e ka nisur ditën e saj të dytë të saj në Tiranë, me një takim me kreun e Kuvendit, Gramoz Ruçi.
Për kryeparlamentarin kjo vizitë e Osmanit, shënon një hap të rëndësishëm në bashkëpunimin midis Shqipërisë dhe Kosovës, teksa nuk u la jashtë vëmendjes së takimin edhe përballja në gjykatën në Hagë të ish- drejtuesve të UÇK-së.
“Kosova po përjeton periudhë zhvillimesh dramatike për të ardhmen dhe prestigjin ndërkombëtar të saj. Ne vlerësojmë qëndrimin dinjtoz të drejtuesve të institucioneve të Republikës së Kosovës dhe gatishmërine e plotë të tyre për t’i dalë përballë drejtësisë dhe zbardhur të vërtetën e luftës së madhe për shpëtimin e popullit të saj nga krimet monstruoze dhe gjenocidi i Serbisë. Ne nuk duhet të lejojmë që të njolloset imazhi i Kosovës, i luftës së saj çlirimtare dhe i përpjekjeve për t’u ndërtuar, njohur e integruar si shtet i pavarur. Vepra e Ushtrisë Çlirimtare të Kosovës është çlirimi i Kosovës dhe pavarësia e saj, e arritur me mbështetjen e popullit të Kosovës dhe në partneritet me aleatët e mëdhenj dhe strategjikë të Shqipërisë, ShBA dhe NATO. Për çlirimin e Kosovës NATO dhe fuqitë perëndimore për herë të parë hynë në një luftë, e cila u vlerësua si “ndërhyrje humanitare. UÇK-ja dhe populli kosovar kanë qenë në anën e duhur dhe të drejtë të historisë. E vërteta është se Kosova, Ushtria Çlirimtare e Kosovës dhe udhëheqësit e saj ishin viktimat përballë agresorit dhe jo e kundërta. Drejtësinë e kësaj lufte e ka vërtetuar koha. Shqipëria është e bindur se të gjitha akuzat kunder udhëheqësve të luftës së drejtë të Kosovës, që fatkeqësisht bazohen në raportin-plagjiaturë të Dick Marty, kujtimet e prokurores Karla del Ponte dhe raportin e prokurorisë serbe, nuk janë të bazuara në prova, por në shpifje e fantazi të sëmura. Kërkohet unifikimi i qëndrimeve politike e kombëtare të të gjitha institucioneve, forcave politike dhe zërave publikë, kombëtarë e ndërkombëtarë, të Kosovës dhe për Kosovën. Të mos lejojmë që e vërteta e Kosovës të përmbyset dhe dosja e Kosovës të hiqet nga tryeza e Presidentit të Shteteve të Bashkuara të Amerikës. Te Presidenti Biden, Kosova ka një mbështetës edhe më të fuqishëm që e njeh mirë rajonin dhe Kosovën", tha Ruçi.
Nga ana tjetër, Osmani shtoi se Shqipëria dhe Kosova duhet të bashkëpunojnë shumë fort me njëra- tjetrës që e vërteta për Kosovën të mos përmbyset para syve tanë
“Ne duhet të bashkëpunojmë qe e vërteta për Kosovën të mos përmbyset para syve tanë. Duhet të tregojmë e ritregojmë të vërtetën e Kosovës. Duhet të punojmë për të kundërshtuar dhe rrëzuar argumentet e Serbisë që të mos njihet Kosova derisa të përfundojë dialogu. Duhet tua bëjmë të qartë të gjithëve se dialogu Kosovë-Serbi nuk është për statusin e Kosovës. Ne vlerësojmë kontributin dhe zërin e Shqipërisë në institucionet dhe mjediset ndërkombëtare ku Kosova nuk është e pranishme.”, nënvizoi Vjosa Osmani.
Më herët, Osmani shkoi për vizitë në Lezhë, ku u prit nga kryebashkiaku Pjerin Ndreu dhe më pas në Tiranë në të cilën u prit nga kreu i shtetit ku dhe mbajtën një konferencë për mediat. Osmani do të ketë takime edhe më kryeministrin Edi Rama, kryedemokratin Lulzim Basha, kryebashkiakun Erion Veliaj dhe ish- kryeministrin Sali Berisha.
Kryeministri Edi Rama është takuar me presidenten në detyrë të Kosovës, Vjosa Osmani. Ka qenë vetë Rama që ka shpërndarë disa foto nga takimi me Vjosa Osmanin, e cila ndodhet për një vizitë 3 ditore në Tiranë.
Komente
HIC MOS i prit kosovaret o rama,,,,,jane rrace muti...pushta,,,asnje takim mos bej me keta maloke ......
Përgjigju