Ministrja e Shëndetësisë Ogerta Manastirliu ka bërë me dije se shumë shpejt 36 ambulanca do të jenë pjesë e flotës anti-COVID.
"Ne e parandaluam valën e parë sepse se përjetuam tragjedinë që përjetuan fqinjët si Italia. Po rrisim kapacitetet. Ka filluar vaksinimin e mjekëve dhe infermierëve, vijon vaksinimi i grupeve të rriskut. Shumë shpejt kemi parapaguar 3.9 milion dollarë dhe do të vijojmë të bëhemi pjesë e intrumentave ndërkombëtarë. Situata e 4 muajve është sfdiuese, për ne si qeveri por edhe për njerëzit. Është një element i rëndësishëm mënyra e menaxhimit në terren e rasteve që kanë nevojë për trajtim dhe transferim. 36 ambulanca do të jenë pjesë e flotës anti COVID që do të ofrojnë me ekipe të specializuara asistencë për shërbimin në familje. Do të kenë mundësi akoma më shpejt që të bëjnë tranferime në spital dhe të mund tu përgjigjen fluksve në rritje. Sepse këto kapacitete janë vlerësuar si projeksione të pritshmme. Këto masa futen në fuqi sot, plus vendosjen e higjienës dhe maskës apo ta kufizojmë përhapjen e COVID", tha ajo.
Teksa në vendin tonë janë regjistruar 4 raste të vetëvrasjeve në spitalet, ku pacientët COVID janë hedhur nga lartësitë, ministrja e Shëndetësisë, Ogerta Manstirliu tha se në këto institucione jepet shërbim psikologjik dhe ka qenë që më herët.
“Nuk dua të zgjatem këtu për aktet tragjike. Janë në një proces të hetimit të organeve kompetente dhe administrative,. Ajo që kemi bërë që në krye të herës, por që është ngritur dhe nga OBSH, janë çështjet e Shëndetit mendor lidhur me COVID. Ne kemi reflektuar, duke ngritur jo vetëm grupe pune, por duke përfshirë dhe aspektin psiko-social në paketën e trajtimit spitalor. QSUT dhe Shefqet Ndroqi, e ka hershëm shërbimin psikologjik të integruar. Është i nevojshëm në të gjitha shërbimet. Në të dy spitalet, Infektiv dhe Shefqet Ndroqi, është psikologu në rastet e nevojës së një trajtimit multidisiplinor.”, tha ajo.
Duke u ndalur tek përdorimi i antibiotikut në këtë kohë, ministrja tha se; “Sa i takon sasisë së antibiotikëve, në lidhje me koncesionin e sterilizimit më lejoni të them se partneriteti i suksesshëm për instrumente të reja, shërbimin e sterilizimit, veshjet një përdorshme, dhe të gjitha aspektet e tjera, me standarde europiane, kanë sjellë reduktim të infeksioneve post-operatore nga 30 % në 15 %, i përgjigjet dhe pyetjes tuaj për antibiotikët e kursyer.”
Lajmi kryesor: