Në fshatin Çerem të Tropojës OSHEE zka bërë të mundur rikthimin e energjisë elektrike pas 30 viteve mungesë.
Kryebashkiaku i Tropojës, Rexh Byberi ka bërë publik lajmin duke sjellë edhe pamje nga fshati.
Rikthimi i energjisë në fshat është festuar edhe nga një pjesë e banorëve të cilët janë mbledhur me veshje popullore të zonës.
Përmes pamjeve u vu re se ata nuk ishin të pajisur me mjete mbrojtëse si maska dhe doreza, të cilat duhet të jetë në domosdoshme për të reduktuar përhapjen e koronavirusit.
Kryebashkiaku Byberi është shprehur se me moton "Së bashku për Tropojën",do të ketë projekte të tjera që do t'i kthejnë Alpet në një destinacion magjik e fitimprurës për turistë nga vendi dhe e gjithë bota.
"Kjo ditë do të ngelet e shënuar për çdo banor e admirues të bukurive natyrore të fshatit Çerem të Tropojës.
Pas 30 vitesh sot u lidh energjia elektrike.
Personalisht jam shumëfish i lumtur pasi mu dha rasti që pas 5 vite shkëputje nga ky komunitet i mrekullueshëm, të rinis me energji e vullnet projektet e shumta të lëna përgjysëm.
Këtë dhuratë bujare të Zotit tani do të kenë mundësi ta shijojnë banorët e rikthyer të cilët po investojnë e turistët e shumtë që presin ta vizitojnë.
Edhe një herë mirënjohje Kompanisë OSHEE dhe posaçërisht drejtuesve Afrim Hoda e Sami Imeraj dhe gjithë ekipit realizues që në kohë rekord realizuan një investim të domosdoshëm për të cilin askush nuk është kujtuar në 3 dekada.
Mirënjohje të gjithë drejtuesve të institucioneve të Tropojës dhe banorëve të shumtë të Çeremit që ndamë së bashku këtë ditë arritjeje me të vërtetë impresionuese", është shprehur Byberi.
