Ka kaluar një javë nga shkëndija e parë mes Azerbajxhanit dhe Armenisë dhe situata nuk po njeh qetësi. Në zonë ka luftime intensive me artileri të rëndë pas konfliktit për territorin e kontestuar të Nagorno-Karabakut.
Ministria e Mbrojtjes e Azerbajxhanit tha se mori "masa hakmarrëse" ndaj Armenisë pas sulmit të raketave në qytetet e Terter dhe Goradiz, megjithatë nuk njoftoi se cfarë masash ishin marrë.
Deklaratat e qeverisë azere erdhën kur zëdhënësi i Ministrisë Armene të Mbrojtjes, Shushan Stepanian tha se luftimet intensive "po zhvilloheshin përgjatë gjithë vijës së frontit" dhe se forcat armene kishin rrëzuar tre aeroplanë azerë, pretendim ky i hedhur poshtë nga pala azere.
Deri tani zyrtarët e Nagorno-Karabakut njoftojnë se më shumë se 150 ushtarakë të tyre kanë humbur jetën. Ndërkohë që autoritetet azere nuk kanë dhënë detaje për viktimat e tyre ushtarake, por thanë se 19 civilë u vranë dhe 55 të tjerë u plagosën nga sulmet.
Nagorno-Karabah është një rajon autonom me shumicë armene brenda Azerbajxhanit, për vënien në kontroll të së cilës palët kanë pasur përplasje që prej vitit 1992 dhe si pasojë e së cilës në luftërat mes palëve kanë humbur jetën të paktën 30000 persona.
Disa rezoluta të Këshillit të Sigurimit të Kombeve të Bashkuara kanë bërë thirrje për tërheqje nga ato zona dhe ndalim të luftimeve por të dyja palët kanë refuzuar një gjë të tillë.
Komente
Sh mire se kshu kemi 7 muaj investime e jo 3 si ne te kaluaren
Përgjigju