TIRANË- Një 22-vjeçar i kërkuar nga Holanda për vrasje në rrethana cilësuese dhe një sërë akuzash të tjera është arrestuar sapo kishte hyrë në Republikën e Shqipërisë.
Në pranga ka rënë 22-vjeçari Mirand Abazi, banues në Belgjikë i cili u kap nga Policia shqiptare sapo shkeli në Rinas. I riu u arrestua me qëllim ekstradimin në Holandë, për 4 vepra penale.
”Ky shtetas u kap në hyrje të Republikës së Shqipërisë dhe u arrestua me qëllim ekstradimi, pasi gjatë përpunimit të dokumentacionit dhe shkëmbimit të informacionit me Interpol Tiranën, rezultoi se ishte person i shpallur në kërkim ndërkombëtar nga Holanda, për veprat penale “Vrasja në rrethana cilësuese”, “Vjedhja me dhunë”, “Pastrim parash” dhe “Shkatërrimi i pronës”, parashikuar nga Kodi Penal i Holandës” informoi sot policia e shtetit.
Abazi u dërgua në ambientet e paraburgimit të Drejtorinë Vendore të Policisë së Tiranës.
B.K./ReportTv.al