"Report Tv" ka siguruar pamjet e arrestimit të 30-vjeçarit Gjergj Ndreca nga forcat "Shqiponja" në Lezhë. Ndreca, i cili është djali i xhaxhait të deputetit socialist, Eduard Ndreca u arrestua më 5 korrik në hyrje të qytetit të Lezhës.
Ai ishte shpallur në kërkim prej një viti për kultivim kanabisi. Ndaj tij, gjykata e Lezhës kishte caktuar në korrik 2021 masën e sigurisë "arrest më burg". Për të ekzekutuar këtë masë sigurie, më 5 korrik të këtij viti, forcat "Shqiponja" u vunë në ndjekje të foristradës "Range Rover" ku 30-vjeçari udhëtonte si pasagjer. Drejtuesi i mjetit, Ervin Ndreca nuk i është bindur urdhrit për të ndaluar, ndaj "Shqiponja"-t e kanë ndjekur në qytet, siç shihet dhe në pamjet e siguruara nga Report TV, duke arritur t'i prangosin të dy.
Por, Gjergj Ndreca ka qëndruar vetëm 5 ditë në qeli! Burime për Report TV thanë se prokurori i çështjes, Francesk Ganaj ka kërkuar pushimin e akuzës ndaj 30-vjeçarit, pasi nuk ka gjetur prova të mjaftueshme që e implikojnë në kultivimin e hashashit.
Gjykata e Lezhës pranoi kërkesen per zevenendesim e masës së sigurimit, duke vendosur ndaj tij “Detyrim Paraqitje”. Vendimi është dhënë nga gjyqtari Artan Hajredinaj, i cili perdori si argument kërkesen e prokurorit Ganaj, i cili ka kërkuar pushimin e akuzes dhe caktimin e nje mase më të butë ndaj 30-vjeçarit Gjergj Ndreca.
Ndërsa për kultivimin e 4 mijë rrënjë kanabis në fshatin Ungrej jane marrë të pandehur ish-kreu i Njesisë Administrative Gezim Kola dhe kryetari i këtij fshati. Ata akuzohen nga prokuroria për “Kultivimi i bimeve, narkotike” dhe “Shpërdorim Detyre”. Për djalin e xhaxhait të deputetit, prokurori Ganaj nuk ka gjetur prova që e implikojnë në kultivimin e kanabisit, ndaj ka kërkuar që të pushohen akuzat. Çështja kjo që do të shqyrtohet në muajin shtator në Gjykatën e Lezhës.
Kujtojmë se hetimi nisi pas zbulimit dhe asgjësimit të rreth 4 mijë bimëve kanabis sativa nga Forcat Speciale RENEA në qershor të vitit 2021 në zonën e Ungrejt në Lezhë.
Ky është Gjergj Ndreca, djali i xhaxhit të deputetit socialist Eduard Ndreca, i cili u lirua nga qelia. Report Tv ka siguruar foton e 30-vjeçarit.
Komente
![](https://www.report-tv.al/template/img/antipiracynote.jpg)
Nuk behet drejtesia ne kete menyre! Ose siguro provat e sakta qe ka kultivuar kanabis dhe mbertheje mire,ose liroje pa asnje mase shternguese.Edhe s'ka prova per aktivitet kriminal,dhe nga ana tjeter i cakton /detyrim paraqitje/! Perse /detyrim paraqitje/nese eshte /i pafajshem/?!
PërgjigjuKeta nipat,djemt e deputetve as me.mut ste len rradh te punosh te gjitha per vete i duan,rroga shteti,te tre punesuar,me drog po ndonje biznes sigurisht do e ken si lavazho,parkim,shezlone.
PërgjigjuNese hetoni si duhet kte e gjeni te punesuar edhe ne shtet. E kane mbushur mirditen me droge, mbrohen nga policia. Ne fakt ky ka kusherinjt polic, axhen dhe djalin e axhes.
PërgjigjuMos u merzit mos u merzit
Nqs neser pasneser ktij do i ndodhe ndonje ngjarje me e madhe do mbyllet me "larje hesapesh"
Përgjigju