Ish-mesfushori i Barcelonës dhe Spanjës, Andres Iniesta do të largohet nga Vissel Kobe pas pesë vitesh në klubin japonez. 39-vjeçari do të luajë ndeshjen e fundit për skuadrën më 1 korrik, në mes të sezonit të J-League. Iniesta, i cili ka bërë vetëm tre paraqitje zëvendësuese deri më tani këtë sezon për liderët e ligës Vissel, nuk ka në plan të largohet menjëherë nga futbolli.
“Dua ta përfundoj kohën time këtu siç duhet dhe më pas të shoh se cilat opsione janë në dispozicion për mua. Dua të vazhdoj të luaj dhe pastaj të tërhiqem ndërsa jam ende aktiv. Është e vështirë për mua, kështu që dua të gjej një vend ku mund të tërhiqem përfundimisht", tha fantazisti.
Iniesta iu bashkua Vissel në vitin 2018 dhe ka bërë 133 paraqitje për klubin, duke fituar Kupën e Perandorit të Japonisë në 2019 dhe Superkupën e Japonisë vitin pasardhës. Kjo pasoi një karrierë 22-vjeçare në Barcelonë, ku ai fitoi 32 trofe në 674 paraqitje për të parët. Ai tha se zgjedhja për t'u larguar nga Vissel ishte "një nga vendimet më të vështira të karrierës sime".
“Gjithmonë kam menduar se do të tërhiqem këtu, por gjërat nuk kanë shkuar ashtu siç doja. Për disa muajt e fundit jam stërvitur fort me synimin për të kontribuar për ekipin, por fillova të mendoj se trajneri kishte prioritete të ndryshme”, tha Iniesta që nuk i mbajti lotët.
