Ministrja e arsimit Evis Kushi, përmes një postimi në rrjetin e saj social Facebook, ka njoftuar rregullat e reja për sa i përket masave anti-COVID nëpër shkolla në kuadër të uljes së temperaturave.
Ministria e Arsimit, duke marrë parasysh edhe ndryshimet e temperaturave sipas stinëve, nuk kërkon në mënyrë absolute mbajtjen hapur gjatë gjithë kohës të dritareve, por lejon edhe ajrosjen e klasave disa herë gjatë ditës.
“Më saktësisht, në të shprehet qartë se: "DRITARET DUHET TË MBAHEN TË HAPURA OSE TË PAKTËN TË AJROSEN 5-6 HERË GJATË KOHËS SË MËSIMIT”, shkruan Kushi.
Ajo në fund i ka kërkuar të gjitha Institucioneve Arsimore të kenë në vëmendje zbatimin e këtij udhëzimi, duke u kujdesur maksimalisht edhe për mbajtjen e një temperature konstante në klasë, me qëllim mbrojtjen e shëndetit të nxënësve dhe mësuesve.
Komente
