Ka rezultuar tragjik fati për një nënë të re 24-vjeçare shqiptare, e cila ka gjetur vdekjen në mënyrë të papritur në Chieti të Italisë ndërsa ishte në muajin e katërt të shtatzanisë së saj.
Sipas mediave italiane bëhet fjalë për Joana Hoxhën 24 vjeç, me origjinë shqiptare, katër muajsh shtatzënë, e cila ishte në pritje të fëmijës së dytë kur u ndie keq në shtëpinë e saj në Francavilla al Mare, në Itali.
Mësohet se 24-vjeçarja shqiptare jetonte prej kohësh së bashku me bashkëshortin e saj italian Fabio Scarponi dhe ishin në pritje të fëmijës së tyre të dytë.
Bëhet e ditur se ditën e djeshme pasdite ajo u ndje keq në banesë, dhe menjëherë partneri i saj ka njoftuar shërbimin e emergjencës për t'i ardhur në ndihmë Edhe pse mjekët janë lajmëruar përnjëherë, ata nuk kanë mundur të bëjnë dot gjë dhe për rrjedhojë e reja ndërroi jetë. Dyshimet e para janë se vajza e re nga Shqipëria ka ndërruar jetë për shkak të një ataku kardiak. Bashkëshorti italian i saj kishte në pronësi 2 lokale në zonë.
Pritet që trupi i së resë t’i nënshtrohet një ekspertize mjekoligjore për të zbuluar shkaqet e plota të vdekjes. Sipas asaj që është mësuar, një muaj më parë vajza kishte pasur disa probleme, të cilat e kishin detyruar që ajo të paraqitej për të bërë njëviztë në spital.
Komente
