Kampioni i Botës në fuqi për pesha të rënda Anthony Joshua ka konfirmuar ndeshjen e ardhshme që do të jetë më 1 qershor. Anglezi do të mbrojë titujt WBO, WBA dhe IBF kundër Jarrell Miller ose i njohur ndryshe si 'Big Baby'.
Kjo do të jetë ndeshja debutuese e Joshua-s në Amerikë pasi përballja do të zhvillohet në Madison Square Garden të Nju Jorkut. Për të gjithë fansat e sportit në botë kjo do të jetë një natë magjike pasi po me 1 qershor, por me disa orë më herët do të zhvillohet edhe finalja e “Champions League”.
Kundërshtari i 29-vjeçarit Joshua, Miller, ka 24 ndeshje profesioniste në karrierën e tij ku ka fituar 23 dhe ka humbur 1. 20 nga 23 fitoret janë të fituara me “nokdaun”. Më herët Joshua kishte planifikuar një ndeshje më 13 prill në stadiumin “Wembley”, por kundërshtari i tij Deontay Ëilder u urdhërua nga federata botërore e boksit që të bënte ndeshjen e kthimit me Tyson Fury.
