Tingujt e polifonisë, ngjizur mes gurëve të lashtë, e kthyen Bylisin në një skenë të gjallë arti dhe trashëgimie.
Sipas organizatorit të “Bylis Polifonia 2025”, Yzeir Llanaj, ky edicion shënon edhe 20-vjetorin e pranimit të polifonisë shqiptare në UNESCO dhe synon të mbajë gjallë këtë pasuri të rrallë shpirtërore, pjesë të identitetit kombëtar.
Për mjeshtrin e madh dhe anëtarin e jurisë së festivalit, Zhani Ciko, tranzicioni i vështirë i këtyre dekadave ka cënuar edhe këtë trashëgimi, ndaj festivali i këtij viti mbart edhe mesazhe për mbrojtjen e saj.
Nga ana e tij, kryebashkiaku i Mallakastrës, Qerim Ismailaj, theksoi se festivali jo rastësisht mbajet në Parkun Arkeologjik të Bylisit, aty ku arti dhe historia ndërthuren në mënyrë unike.
Festivali vjen nën kujdesin e Shoqatës së Polifonisë Shqiptare, Ministrisë së Kulturës dhe institucioneve vendore dhe për dy netë me radhë performojne 21 grupe polifonike nga trevat e jugut.
Komente
