Vaksinimi i gripit për grupet e riskut ka nisur tashmë dhe që në ditët e para qytetarët janë paraqitur pranë qendrave shëndetësore për të bërë vaksinën antigripale.
“Po do ta bëj vaksinën, prandaj kam ardhur sot të marë shënimin. Çdo vit e kam bërë, më mirë nuk më ka zënë gripi vjet, parvjet prandaj.
-Patjetër që do ta bëj. E kam bërë çdo vit, më mbron gati 90% më ka mbrojtur. E përfitoj falas vaksinën e gripit.
-Po do ta bëjë.
E ke bërë vitet më parë vaksinën e gripit?
-Jo nuk e kam bërë
Pse do ta bësh këtë vit?
-Nga frika. Ja sot do ta bëjë, do mbaroj punë me këto dokumentet dhe do ngjitem lart ta bëjë”- thanë disa prej qytetarëve.
Qytetarët të cilët nuk bëjnë pjesë në grupet e riskut vaksinën do ta blejnë pranë farmacive, që ende nuk e kanë siguruar. Por çfarë mendojnë qytetarët, a do ta bëjnë ata këtë vit vaksinën e gripit?
“Nuk i besoj këtyre vaksinave.
-Po besoj do ta bëjë së shpejti.
-Do ta bëjmë, po po. Tek grupet e riskut bëjmë pjesë, jemi pensionistë. Të mbron vaksina.
-Po do ta bëjmë dhe ne.
-Nëse është e nevojshme për të gjithë do ta bejmë dhe ne pse jo.
-Do ta bëj se më mbron, çdo vit më ka mbrojtur.
-Jo nuk e bëj fare se nuk më kap asnjë gjë mua, jam e fortë jam shumë e fortë.
-Jo nuk do ta bëjë vaksinën e gripit, kam fituar imunitet.
-Po e kam bërë çdo vit, më ka mbrojtur”-u shprehën disa prej qytetarëve.
Tek grupet e riskut bëjnë pjesë personeli shëndetësor në të gjithë vendin, të moshuarit mbi 65-vjeç, personat me sëmundje kronike, mësuesit, edukatorët, gratë shtatzëna dhe fëmijët nga 2-5 vjeç.
